၁၉.၆.၂၀၀၇ ညနေ ၄း၄၇

ဂျူးရဲ့ ၀တ္တုတို တစ်ပုဒ်ကို ဖိုရမ်တွေလျှောက်ကြည့်ရင်း တွေ့လို့ ဖတ်ဖြစ်တယ်.. နာမည်က ပထမဆုံးနေ့လား မသိ.. ဖိုးခွားဆိုတဲ့ ကောင်လေးက HIV ပိုးရှိနေလို့ သူ့သူငယ်ချင်းကောင်မလေးက နှစ်သိမ့်ပေးတယ် ဆိုတဲ့ အကြောင်းလေးပါ.. ဘာမှလည်းမဟုတ်ပဲနဲ့ ချစ်စရာကောင်းတယ်.. အဲဒါနဲ့ပဲ နန်းညီသူငယ်ချင်းကို သတိရသွားရော..

နန်းညီမှာလည်း အရမ်းချစ်စရာကောင်းတဲ့ သူငယ်ချင်းတစ်ယောက်ရှိတယ်.. လေးဖြူတို့ အငဲတို့အမျိုးလေ.. အင်းသားလေး.. နန်းညီကတော့ သူ့ကိုအယ်ရှားလို့ခေါ်တယ်.. သူက နန်းညီကို မယ်ညီတဲ့.. (အင်းလေးစကားအရ အယ်ဆိုတာ မောင်လို့ဆိုလိုပြီး မယ်ဆိုတာ မလို့ အဓိပ္ပါယ်ရတယ်လေ).. သူနဲ့နန်းညီက ကျောင်းတူတူ.. ပန်းချီမေဂျာချင်းတူ.. ၀ါသနာရော.. စိတ်ရော.. အကြိုက်ချင်းတွေရော တူတယ်.. စကားပြောရင်လည်း စိတ်ဝင်စားတာချင်းတူတယ်.. တစ်ခုခုကို ကြည့်ပြီး ဝေဖန်ရင် ဆုံးဖြတ်ရင်.. အတွေးအမြင်ချင်းလည်း တူတယ်.. ကာတွန်းရုပ်ရှင် (animation)ကို ရူးနေတာချင်းလည်းတူတယ်.. ပြောရရင် အားလုံးနီးပါးတူတယ်ပေါ့.. ဒီကြားထဲ ရှမ်းလွယ်အိတ်ဆင်တူလွယ်.. ဆံပင်ပုံစံ ဆင်တူပါထားလိုက်သေးတယ်.. အမြဲ တတွဲတွဲ သွားလာ နေတတ်လွန်းလို့ “အမြွှာတွေလား”လို့ အမြဲမေးခံရတာပေါ့.. နန်းညီဆိုတာနဲ့ သူ့အိမ်က ချစ်ပြီးသား.. အယ်ရှားမို့ဆိုရင်လည်း နန်းညီအိမ်က သား သား နဲ့.. ကျောင်းတက်နေတဲ့တစ်လျှောက်လုံး နန်းညီအိမ်ဟာ သူ့အတွက်စားအိမ်သောက်အိမ်ပေါ့.. နန်းညီကလည်း သူ့အိမ်ကိုဖုန်းလှမ်းလှမ်းဆက်ပြီး ဘာလေးလူကြုံပို့ပါဦး.. ညာလေးလူကြုံပို့ပါဦးနဲ့ မှာရတာအမော.. သူရယ် နန်းညီရယ် နောက်.. မိလှိုင် ဆိုတဲ့ကောင်လေးတစ်ယောက်ရယ်က အမြဲအတွဲတွေပဲ.. (နောက်မှ မိလှိုင်အကြောင်းရေးဦးမယ်.. အဲ့ကောင်က ငပေါ).. နန်းညီနဲ့ အယ်ရှားနဲ့ကြားမှာမပြောဖြစ်တဲ့စကားဆိုတာ မရှိသလောက်ပဲ.. အကြောင်းအရာပေါင်းစုံကို အပွင့်လင်းဆုံးတွေ ပြောခဲ့ဖူးတယ်.. တစ်ယောက်နဲ့ တစ်ယောက်ကြားမှာ အကာအရံဆိုတာ မရှိဘူးပြောမယ်ဆို ရတယ်..

တစ်ခါတော့ သူနဲ့ အကြီးအကျယ်ပြဿနာဖြစ်ခဲ့သေးတယ်.. သူသဘောကျ နေတဲ့ကောင်မလေးနဲ့ ပတ်သက်ပြီးလေ.. ကောင်မလေးက တကယ်တော့သူ့ကိုကြိုက်ပုံပါပဲ.. အေးလည်းအေးတယ်.. ချစ်စရာလေးပါ.. ဒါပေမယ့် ကောင်မလေးသူငယ်ချင်းတွေက နည်းနည်း.. အင်း.. ဘယ်လိုပြောရမလဲ.. အယ်ရှားနဲ့ နန်းညီ ဒီလို တတွဲတွဲ ရင်းနှီးနေတာ ကြည့်မရလို့ထင်ပါတယ်.. ပြောကြဆိုကြ.. နန်းနဲ့မတွဲမှ ပြန်ကြိုက်မယ်တို့ ဘာတို့.. အဲဒါနဲ့ အဲဒိအကြောင်းတွေပြောကြရင်း စကားနည်းနည်းများတယ်.. သူက “ငါနဲ့လာမတွဲနဲ့တော့”လို့တော့ မပြောပါဘူး.. (ပြောလည်းမရပါဘူးလေ).. သူတို့က အဲလိုပြောတယ် ဆိုတာလောက်ပဲ သူကပြောပြတာ.. ဒါပေမယ့် အဲဒိညနေက ငိုရသေးတယ်.. ငိုပြီးတော့ သူ့ကို “ဖွန်ကြောင်ကောင်”လို့ ခေါ်ခဲ့တယ်.. သူက ဘာမှပြန်မပြောပဲ ပြုံးနေခဲ့တယ်.. တကယ်တော့ သူကဖွန်ကြောင်ပြီး ပြောနေတာမဟုတ်မှန်းသိရဲ့နဲ့ အဲလိုခေါ်ခဲ့မိတာ.. အဲဒိတုန်းက တွေးခဲ့တာကတော့ “တကယ်ဆို ဒါက ပြောနေစရာတောင်မလိုဘူး.. ပြန်မကြိုက်လည်းနေ.. ငါ့သူငယ်ချင်းကိုတော့ မဖြတ်နိုင်ဘူးလို့ ပြန်ပြောလိုက်တာ မဟုတ်ဘူး” ဆိုပြီး တွေးနေခဲ့မိတာ.. ခုမှသေချာပြန်စဉ်းစားကြည့်မိတော့ ဘာမှမဆိုင်ပဲ သူ့ကို ရန်လုပ်ခဲ့မိတာပဲနော်.. အယ်ရှားရေ အခုတောင်းပန်တယ်ကွာ.. ငါ့ကိုခွင့်လွှတ်..

တကယ်တော့ နန်းညီက ကဗျာလုံးဝမရေးတတ်ဘူး.. ဒါပေမယ့် အဲဒိနေ့က စိတ်ဆိုးဆိုး ၀မ်းနည်းနည်းနဲ့ ကဗျာတစ်ပုဒ်ရေးခဲ့မိသေးတယ်.. သိပ်မကောင်းလို့ ခပ်ရှက်ရှက်နဲ့ပဲ ပြန်ရေးပြမယ်နော်..
ကဗျာနာမည်က ၁၉.၆.၂၀၀၇ တဲ့..

အဲဒိညနေ
သူငယ်ချင်းနဲ့ ပြဿနာတက်တယ်..
နှစ်ယောက်စလုံး စိတ်ထိခိုက်နာကျင်စွာ
ပြောမသွားခဲ့ဘူး..
“ဟေ့ရောင် မင်းမငိုနဲ့” ..

အဲဒိညနေ
တိမ်တွေလှတာ အရမ်းပဲ..
ကောင်းကင်တစ်ခုလုံး ပြာရီမှိုင်းညို့လို့
ဘေးမှာလူတစ်ယောက်မရှိလို့သာ
မော့ကြည့်ဖြစ်ခဲ့တာပါ..

အဲဒိညနေ
အရာရာဟာ ကျိုးပျက်ကြေမွတယ်..
ခေါင်းအုံးပေါ်မှောက်ချပြီး အော်ဟစ်ရင်း
“စိတ်ညစ်စရာတွေ တပည့်တော်မနဲ့
ဝေးနေပါစေသား အရှင်ဘုရား”
ဆုတောင်းတယ်.. .. ..

(PS>>> အခုလောလောဆယ် အယ်ရှားက ရန်ကုန်မှာမရှိဘူး.. ဒင်းက စာမေးပွဲအပြီးကျောင်းပိတ်လို့ တောင်ကြီးပြန်သွားတယ်လေ.. မီးပုံးပျံပြိုင်ပွဲဝင်ဖို့ ပြင်ဆင်နေလေရဲ့.. လွမ်းတယ်.. ပြီးတော့.. မီးပုံးပျံနဲ့.. တို့ဖူးနွေးနဲ့.. မက်မန်းဝိုင်နဲ့.. ကုန်းထိပ်က လဘက်ရည်ဆိုင်နဲ့ အသားကျပြီးပျော်နေမယ့် သူ့ကို မနာလိုဘူး.. ၀ိုင်းပြီး မနာလိုဖြစ်ပေးကြပါဦးဗျိုး)

3 comments:

  1. အေး..အေး..ကူပြီးမနာလိုဖြစ်ပေးလိုက်ပြီ..:P

    ReplyDelete
  2. ကူပြီး မနာလိုဖြစ်ပေးလိုက်ပါတယ်..
    အယ်ရှား ဆိုတဲ့ အင်းသား သူငယ်ချင်းဆိုတော့..

    အယ်ညီ ဆိုတဲ့. ချစ်သူ အင်းသားလေးကိုတောင်ိုသတိရသွားတယ်... ဟီးဟီး...

    ReplyDelete
  3. ကိုယ်တို့က အဲ့တုန်းကသွားပြီး ရေရေလည်လည်ကဲခဲ့တာပေါ့..ဟာဟ..
    ပျော်စရာကြီး...။ဒါမဲ့ခုမှ လာပြီးမနာလိုကူဖြစ်ပေးပါတယ်။

    ReplyDelete

your comment please

Powered by Blogger.