တိုက်ခိုက်နေတဲ့လေထဲ

ဒါက ကဗျာဆရာ စိုင်းဝင်းမြင့်ရဲ့ အက်ဆေးလေးပါ.. သဘောကျလွန်းလို့ ပြန်တင်ပေးလိုက်တယ်..း)

အိပ်တန်းပြန်ငှက်တွေကို မော့ကြည့်ရင်း အိမ်ပြန်မယ်စိတ်ကူးမိပေမယ့် နေ့ခင်းတုန်းကစိတ်ကူးဟာ နေ့ခင်းမှာပဲ အငွေ့ပျံကျန်ရစ်လို့ ဒီတစ်နေ့လည်း အမှောင် နဲ့အတူ အိမ်ပြန်နောက်ကျမြဲ နောက်ကျ၊ တစ်လမ်းလုံး ခေါင်းငိုက်စိုက်ချ။

ကျွန်တော်လည်း အတွေးသမားသက်သက်။ စောင့်ကြည့်လိုက်ရင် အစွန်း တစ်ဖက်ဖက်မှာ အမြဲရပ်ရပ်နေတာ တွေ့ရမှာပဲ။ အခုလို အိမ်ပြန်နောက်ကျတဲ့ ညတွေ မှာ ဖြောင့်တန်းနေတဲ့ လမ်းတစ်လျှောက် အလင်းရောင်ဆိုလို့ တစ်ချက်တစ်ချက် ရဲခနဲ ဖြစ်ဖြစ်သွားတတ်တဲ့ ဆေးလိပ်မီးလောက်သာရှိလေတော့ အောက်ငုံ့ကြည့်လည်း အပိုပဲ။ ကိုယ့်ခြေထောက်ကိုလည်း ကိုယ်မမြင်ရ။ ကိုယ့်လက်ကိုလည်း ကိုယ် ပြန်မမြင်ရ။ ရှေ့က တိုးဝင်လာမယ့် လူတစ်ယောက်ယောက်ကိုသာ လင်းနို့တစ်ကောင် လို အသံနားစွင့် သတိပြုရှောင်တိမ်း၊ အန္တရာယ်ရှိတဲ့ သတ္တ၀ါတွေနဲ့ ခလုတ်ချိုင့်ခွက် တွေကိုလည်း ကံတရားလို့ သဘောထား၊ နောက်တစ်လှမ်းကို မမြင်ရတဲ့ဘက် ဖြေလျှော့ထားရတာ။ ကိုယ့်ဘက်မှာ ရှိနေတာက လမ်းကို အလွတ်ရထားတာတစ်ခုပဲ။ အခုလို မြစ်ဖြတ်တံတားဖြတ် လယ်ကွင်းဖြတ် လေနဲ့မိုးနဲ့ ပြန်ခဲ့ရတဲ့ခရီးဟာ မိဘအိမ်လေးမှာ အဆုံးသတ်တာ မဟုတ်ခဲ့ဘူးဆိုရင် ကျွန်တော်အခုလို အဝေးဆုံး နေရာတွေကနေ လှည့်လှည့်ပြန်လာမှာ မဟုတ်ဘူး။ ရောက်လက်စနေရာမှာပဲ လှဲချလိုက်မှာ။

ကျွန်တော်အိမ်ပြန်လာခဲ့တယ်ဆိုတာ ကျွန်တော် အိမ်ပြန်မလာတာနဲ့ အတူတူ ပါပဲလို့ ပြောမယ်ဆိုရင် ပြောလို့ရပါတယ်။ လမ်းမတန်းကနေ အိမ်ရှေ့တည့်တည့် လမ်းကလေးကို နေ့စဉ် ချိုးဝင်နေတာ ဖြစ်ပေမယ့် ကျွန်တော့်အကြည့်တွေက အိမ်ရှေ့မှာ စိုက်ထားတဲ့ သစ်ပင်တွေဆီမရောက်၊ အိမ်ကလေးကို အဝေးကနေ အရိပ်အခြေ လှမ်းမကြည့်၊ တစ်လမ်းလုံးလျှောက်ခဲ့တဲ့ ကိုယ်ဟန်အနေအထားနဲ့ အတွေးတွေအတိုင်း အသင့်ဖွင့်ထားတဲ့ အိမ်တံခါးကနေ ၀င်ရောက်ပျောက်ကွယ်တော့တာပဲ။ ကျွန်တော့် အဖေဟာ သူ့ရှေ့က ကျွန်တော့်ရဲ့နေ့စဉ်ဘ၀ကို စောင့်ကြည့်နေပုံရတယ်ဆိုတာ သူ့ရဲ့ ငေါက်ငမ်းသံတွေကြောင့် ကျွန်တော်သိခဲ့ရတယ်။ “မင်းဟာ လှဲချစရာ ကြမ်းခင်းရှိရင် ပြီးရော၊ အိမ်မှာ ဘာလိုနေတယ်ဆိုတာ မတွေးဘူး၊ အိမ်ဘယ်လိုဖြစ်နေပြီဆိုတာ တစ်ခါမှ ရှေ့နောက်လှည့်မကြည့်ဘူး၊ အိမ်ရှေ့သံဇကာကို ဘာရောင်သုတ်ထားတယ်ဆိုတာ မင်းကို မေးရင် ဖြေနိုင်မှာမဟုတ်ဘူး၊ အိမ်ရောက်တာနဲ့ စာအုပ်ကို ကောက်ကိုင်တော့တာပဲ” ။ ကျွန်တော့်အဖေရဲ့ စကားကြောင့် ကျွန်တော့်ရဲ့ဖြစ်တည်မှုကို ကျွန်တော်သတိပြုမိတယ်။ အဖေဟာ ဘာမှမပြောဘဲ ကျွန်တော့်ကို လွှတ်ထားမယ်ဆိုရင် ကျွန်တော့်ရဲ့ ဖြစ်တည်မှုကို ဘယ်တော့မှ စဉ်းစားမိမှာမဟုတ်ဘူး။ အိမ်ထဲမှာရှိတဲ့ အရာဝတ္တုတွေနဲ့ အိမ်ရှေ့၊ အိမ်ဘေးမှာစိုက်ထားတဲ့ သစ်ပင်တွေဟာ အိမ်ရဲ့ အစိတ်အပိုင်းတွေပဲဆိုတာ ကျွန်တော် မသိခဲ့ဘူး။ (ကျွန်တော့်ရဲ့ မိဘတွေဟာ အိမ်ထဲမှာ ရှိနေတဲ့ ကျွန်တော့်ရဲ့စာအုပ်တွေကို အိမ်ရဲ့အစိတ်အပိုင်းအဖြစ် မမြင်ခဲ့သလိုမျိုးပေါ့)။

“ကောင်းသောစကားများနဲ့ ပျော်ရွှင်ရယ်မောစရာများ၊ နားလည်မှုနဲ့ ပြတင်းပေါက်များမရှိသေးရင် အိမ်မဟုတ်ဘူး” လို့ ကျွန်တော့်ရဲ့အမြင်နဲ့ “လူသားဟာ လူသားတာဝန်မကျေရင် သူ့အလိုလို မပျော်ရွှင်ဘူး” ဆိုတဲ့ ကျွန်တော့်ရဲ့ အတွေးသက် သက်ဟာ ကျွန်တော်နဲ့ ကျွန်တော့်မိဘနဲ့ ကျွန်တော်တည်မှီနေရတဲ့ အိမ်ကလေးမှာ အက်ကြောင်းအဖြစ်နဲ့သာ ရောက်ရှိနေတယ်။

ခင်ဗျားကို ကျွန်တော်ပြောခဲ့မယ်။ လူတစ်ယောက်ယောက်ကို လမ်းပေါ်မှာ အမြဲတွေ့တွေ့နေရတယ်ဆိုရင် ခင်ဗျားဘာမှ မစဉ်းစားနဲ့၊ ဒီလူ သူ့အိမ်မှာ မပျော်ဘူးဆိုတာ ခင်ဗျား နားလည်လိုက်။

စိုင်းဝင်းမြင့်
၂၀၀၂

4 comments:

  1. ဟလား အဲ့ဒါ ၀တ္ထုတိုလား။ ကျနော်က အက်ဆေးမှတ်လို့။

    ReplyDelete
  2. ဆောရီး.. မှားသွားတယ်.. ဟုတ်ကဲ့ အဲဒါ အက်ဆေးပါ .. သတိပေးတာကျေးဇူးပါ P ရေ..း)

    ReplyDelete
  3. အော် ခင်ဗျားက ပန်းချီလဲ ဆွဲသကိုး။ မြင်ရသလောက် ကားလေးတွေ ကြိုက်ပါတယ်။ Theme ရွေးပုံနဲ့ အရောင်တွဲပုံလေးတွေက ဖြုံစဉ်လေးတွေ။ ၀မ်းရေးအရ ဒီဇိုင်းဆွဲနေရပေမယ့် ကျနော် ပန်းချီမတတ်ဖူး။ ဆွဲတတ်တဲ့ လူတွေဆို သိပ်အထင်ကြီးတာ။ နောက်လဲ အလန်းလေးတွေ ထွက်လာရင် တင်ပါဗျာ။ လေ့လာပါရစေ။

    ကျနော့်မှာ စိုင်းဝင်းမြင့် စုထားတာလေးတွေ နည်းနည်းရှိတယ်။ ကဗျာရော အက်ဆေးရော။ ဒီမှာ ရှာနိုင်ပါတယ်။

    ReplyDelete

your comment please

Powered by Blogger.