နွေနှစ်ကူး

မြန်မာနှစ်သစ်ကူးချိန် ရောက်ပြန်ပြီ..
ဒီနှစ်တော်တော်လေး မျက်စိနောက်သက်သာနေသလိုပဲ..
ကြောင်ကြောင်ကြားကြား ကို့ယို့ကားယားတွေ အရင်လောက်မမြင်မိဘူးထင်တယ်.. အသိမိတ်ဆွေတွေတော်တော်များများ ခရီးသွားဖို့ ပြင်နေကြလေရဲ့.. ကိုယ်တိုင်လည်း တောင်ကြီးမဟုတ်တဲ့ တခြားတစ်နေရာကို ခရီးသွားဖြစ်မယ်.. ခဏတော့ နေရစ်ခဲ့ဦး ရန်ကုန်..

သင်္ကြန်ကို ဘာလို့ရင်မခုန်တာလဲလို့ တခါတလေပြန်တွေးကြည့်မိတယ်..
နေပူပူထဲမှာ ရေစိုရတာကို မကြိုက်ဘူး.. ပုံပျက်ပန်းပျက် မူးရူးအော်ဟစ်နေကြတွေကို မကြည့်ချင်ဘူး.. ရိုးရာအမွေနှစ်တွေပျောက်ပြီး သင်္ကြန်ဆိုတဲ့ရသပျောက်နေတာကိုလည်း မနှစ်သက်နိုင်ဘူး.. ပိတောက်ကိုလည်း မချစ်ဘူး.. နှစ်တိုင်းနှစ်တိုင်း သင်္ကြန်ဟာ ကိုယ်နဲ့ အဝေးကြီးကနေ မသိမသာစီးဆင်းမြဲ..

သင်္ကြန်နဲ့ပတ်သက်တဲ့ ဒီဇိုင်း ၃ ခု ၄ ခု လုပ်ဖြစ်တယ်..
တစ်ခုက လုံးဝ သင်္ကြန်ဖော်မယ်လ်.. ပိတောက်ပန်းနဲ့ ဖလားနဲ့.. ကောင်မလေးလှလှလေး နှစ်ယောက်က ပြုံးရယ်လို့ လက်အုပ်ချီထားတယ်.. နှစ်သစ်ဆုတောင်းကလည်း တခမ်းတနား.. နောက်တစ်ခုက လူငယ်တွေဦးစီး စီစဉ်တဲ့ သင်္ကြန်မဏ္ဍပ်တစ်ခု.. အနက်ကို အဓိကအရောင်အနေနဲ့ထားတယ်.. တောက်တောက်ပပ ပေါ်လွင်တဲ့အရောင်တွေ သုံးတယ်.. လုံးဝခေတ်သစ်သင်္ကြန်.. နောက်တစ်ခုက နှစ်မျိုးစပ်ခေါ်ရမယ်.. ပိတောက်မပါ ဖလားမပါ.. သို့သော် အခန့်အထည် သပ်ရပ်တောက်ပတဲ့ အရောင်တွေကိုသုံးတယ်.. လူတိုင်း လူတိုင်း သို့မဟုတ် အဖွဲ့အစည်းတိုင်းဟာ သင်္ကြန်ကို ကိုယ့်ပုံစံနဲ့ ကိုယ်ဖြတ်သန်းကြတာချည်းပဲထင်တယ်..

သင်္ကြန်တိုင်းမှာ ကိုယ့်နေရာတွေက ပြောင်းနေတာလည်း ဘာလို့လဲမသိဘူး..
မတည်မငြိမ်တဲ့ အလုပ်အကိုင်ကိုပဲ သဘောကျနေတာလည်းပါမယ်.. ကိုယ်တိုင်ကိုက ပြောင်းလဲ လှုပ်ရှားရတဲ့သဘာဝကို နှစ်သက်တာကိုး.. နောက်နှစ် တိုင်းရင်းသားဒေသတစ်ခုခုမှာ သင်္ကြန်ကျချင်နေတယ်.. ခရီးသွားမယ် ခရီးသွားမယ်.. တစ်နေရာထဲမှာ ငြိမ်သက်ပိတ်မိနေရရင် သေသွားမယ်ထင်တယ်..

ဘယ်လိုပဲဖြစ်ဖြစ် ကောင်းသောနှစ်သစ်တစ်ခုကို စိတ်ချမ်းသာစွာ ကြိုဆိုမယ်..
ကောင်းတာတွေ ဆက်ပြီး ထိန်းသိမ်းသယ်ဆောင်.. မကောင်းတာတွေ တတ်နိုင်သလောက် ချန်ခဲ့.. မကောင်းမှန်းသိပေမယ့် မစွန့်ချင်တာတချို့လည်း ယူလာဦးမယ်.. မကောင်းတာမရှိရင် ကိုယ့်ကောင်းတာလေးတွေ မပေါ်လွင်ဘဲနေမှာလည်းစိုးလို့ပါ..း)