Digital Age

M က ဖုန်းဆက်လာတယ်.. ဒေါသတွေလည်း ထွက်လို့.. `ငါနော် တကယ်ပါပဲ အံ့သြလွန်းလို့´ဆိုပြီး တဗျစ်တောက်တောက်လည်း ပြောရင်းပေါ့.. အကြောင်းစုံကိုသိတော့ ကိုယ်တိုင်လည်း ဒေါသထွက်လိုက်တာ.. ဒါမျိုးတွေကျပြန်တော့လည်း လူသိရှင်ကြားပြောပြလိုက်ရင် ပိုကောင်းမှာပဲဆိုပြီး ဘလော့မှာ နည်းနည်းဖွလိုက်မယ်လို့ သူ့ကိုခွင့်တောင်းတော့ ပြောချင်လည်းပြောလိုက်ပေါ့ ဆိုတာနဲ့ ဒီပို့စ်ကိုရေးဖြစ်သွားတယ်.. အဖြစ်အပျက်လေးကို အရင်ပြောပြမယ်နော်..

M နဲ့ A က သူငယ်ချင်းတွေ.. အသက် ၂၃ နှစ်ဝန်းကျင် တောက်တောက်ပပ ထက်ထက်မြက်မြက် မိန်းကလေး ၂ ယောက်ပေါ့.. အစိုးရရုံးတစ်ခုမှာ ကိစ္စရှိလို့ သွားကြရင်း ခုံတန်းလေးပေါ်မှာ ထိုင်ပြီးစောင့်နေကြပါသတဲ့.. ၂ ယောက်စလုံးရဲ့ ၀တ်စားဆင်ယင်ထားပုံက ရိုးရိုးသာမန်ပါပဲ.. တီရှပ်လုံလုံခြုံခြုံနဲ့ ဘောင်းဘီရှည်တွေနဲ့ ကျောပိုးအိတ်ကိုယ်စီလွယ်လို့.. တစ်ယောက်နဲ့ တစ်ယောက် နည်းနည်းခွာပြီးထိုင်နေရလို့ ငြိမ်ငြိမ်သက်သက်ပဲ စောင့်နေကြတာပေါ့.. ခပ်လှမ်းလှမ်းမှာတော့ ရှပ်အင်္ကျီနဲ့ ပုဆိုးနဲ့ မွန်မွန်ရည်ရည်ပဲလို့ ထင်ရသူတစ်ယောက်ကတော့ ဖုန်းတစ်လုံးနဲ့ အလုပ်တွေရှုပ်နေပါသတဲ့..

နောက်တော့ ရုံးစာရေးက နာမည်ခေါ်လို့ လူတွေထသွားတဲ့အခါ A က လည်း အရှေ့ကထပြီး စာရေးဆီအသွား M က အနောက်ကထ အလိုက်.. ခုန ကိုမွန်ရည်ကြီးက A နဲ့ M ကြားထဲ ၀င်ရပ်လိုက်တော့ နောက်ကနေ အမှတ်မထင်ကြည့်လိုက်မိတဲ့ M က ထအော်ပါလေရော.. `ဘာလဲ ဘာလဲ အဲ့ဒါဘာလဲ´ဆိုပြီး အသံကျယ်ကျယ်လောင်လောင် ကြားလိုက်ရလို့ A က ပြန်လှည့်ကြည့်တော့.. M က ခုနလူရဲ့ ဖုန်းကို အတင်းဆွဲလုနေပြီး ပါးစပ်ကလည်း `ဘာလုပ်တာလဲ ဖျက်ပေး ခုဖျက်ပေး´လို့ အော်နေတော့ လူတွေလည်း ၀ိုင်းကြည့်နေကြပြီး A လည်း အတော်လေး အံ့သြသွားတော့တယ်..


ဖြစ်ပုံက ဒီလို.. အဲလူကြီးက ခုံမှာထိုင်နေတုန်းက A ကို ဗီဒီယိုခိုးပြီးရိုက်ယူထားတာ.. ခုနက ရှေ့နောက်တန်းစီပြီး သွားနေတုန်းမှာ အနောက်ကနေ M က ဖုန်းကို ဖျတ်ကနဲ လှမ်းမြင်လိုက်ချိန်မှာ သူ့ သူငယ်ချင်းပုံကိုမြင်လိုက်လို့ ဒေါသတကြီးဖြစ်သွားတော့တာပေါ့.. ဖုန်းကို အတင်းယူမလိုလုပ်နေပြီး `ဖျက်ပေး´လို့လည်း အော်နေတော့ သူတို့ ၂ ယောက်ကို တူတူလာမှန်းမသိတဲ့ ဟိုလူက အတော်လေးလည်းလန့်ဖျတ်သွားမှာပဲပေါ့လေ.. အဲ့ဒါနဲ့ `ဒီမှာ မရှိတော့ဘူး´ဆိုပြီးလုပ်သတဲ့.. ဒါပေမယ့် ခေတ်လူငယ်ပဲ.. သူလုပ်ပြတာဟာ ဖျက်တာမဟုတ်ဘူး.. Back ပြန်သွားပြလိုက်တဲ့ သဘောပဲဆိုတာကို သိလိုက်တော့.. `မဟုတ်ဘူး ဗီဒီယိုထဲကိုဝင်.. ကျမ မြင်လိုက်တယ်.. ဗီဒီယိုရိုက်ယူထားတာ´ဆိုပြီး အတင်းလည်းပြော.. `ဖုန်း ကျမကိုပေး.. ကျမကိုယ်တိုင်ဖျက်မယ်´ဆိုပြီးလည်း အော်နေရော.. ရှက်ရမ်းရမ်းတဲ့သဘောပေါ့လေ.. `ဖျက်ဆို ဖျက်ပေးမှာပေါ့.. ကောင်းကောင်းပြော´လို့ ပြန်အော်ပါသတဲ့..

အဖြစ်အပျက်ကို အလုံးစုံသဘောပေါက်သွားတဲ့ A ကလည်း ခုမှ ဒေါသတွေထွက်ပြီးတော့ `ကောင်းကောင်းပြောရအောင် ကောင်းတဲ့ကိစ္စကိုလုပ်တာမှမဟုတ်တာ.. လူတွေကလည်း အဆင့်ကိုမရှိဘူး..´ ဘာညာ ဘာညာနဲ့ ပြောတော့တာပေါ့.. လူတွေကလည်း အကုန်ဝိုင်းကြည့်.. သဘောပေါက်သွားတဲ့လူတွေကလည်း တီးတိုးတီးတိုးတွေပြောနဲ့ဆိုတော့ ဟိုလူလည်း အတော်ကျွတ်သွားပြီး ဗီဒီယိုဖိုင်ကိုဖျက်ပြီး ထောင့်လေးမှာ သွားထိုင်နေရတယ်တဲ့.. မိန်းကလေး ၂ ယောက်သားလည်း ဒေါသတွေထွက် မွှန်ထူပြီး ရဲတိုင်ပစ်မယ်တွေရော ဘာတွေရော ပြောမိနေတာပေါ့လေ.. နန်းညီဆီကို ဖုန်းဆက်လာတဲ့အချိန်ထိ သူတို့မှာ ဒေါသက မပြေသေးတာသာကြည့်..

အဖြစ်အပျက်ကတော့ အဲဒါပဲ.. လျှပ်ပေါ်လော်လီဝတ်စားထားတာလည်းမဟုတ်.. ဘာမှ ထူးခြားကွဲပြားနေတာလည်း မဟုတ်ပါဘဲနဲ့ သူ့မှာ ဘယ်လိုဖြစ်လို့ ဗီဒီယိုတောင် ခိုးရိုက်ရတာလဲ.. တကယ်လို့ မလည်မ၀ယ်မိန်းကလေးသာဆိုရင် ဘုမသိဘမသိ ခံလိုက်ရဦးမယ်.. ဖျက်တာလား Back ပြန်သွားပြီး မျက်စိကိုလှည့်စားလိုက်တာလား ဆိုတာ ဘယ်လိုသိနိုင်မှာလဲ.. ဖုန်းတွေမှာ ကင်မရာတွေပါလာတာဟာ ဒီလိုတလွဲနေရာတွေမှာ သုံးဖို့ပဲများထင်နေလားမသိ.. အကယ်၍သာ စိတ်မထိန်းနိုင်တဲ့ ကောင်လေးတွေသာ အနားမှာရှိရင် သို့မဟုတ် ဒီမိန်းကလေးတွေမှာ မိဘမောင်ဘွားတွေပါလာနေရင် ၀ိုင်းတောင် အရိုက်ခံရနိုင်တယ်ဆိုတာ မတွက်မိဘူးလားမသိ.. သူလုပ်တာကို ဘယ်သူမှ မသိဘဲပြီးသွားမယ်ထင်နေလားမသိ.. အရင်ကလည်း ဒါမျိုးတွေ လုပ်လေ့ရှိတာပဲလားမသိ.. စောင့်ထိန်းရမယ့် ကျင့်ဝတ်ဆိုတာကို နားမလည်ဘူးလားမသိ.. ဒါမျိုးလုပ်တယ်ဆိုတာ ရှက်စရာကောင်းမှန်း မသိဘူးလားမသိ.. မရှက်တတ်ဘူးလားမသိ..

အို.. မသိ .. မသိ.. မသိ ...